512 4811 info@spangir.is

Fyrsta heimsókn og framhaldið …

Í fyrstu heimsókn skoðar Lára Björk tannréttingartannlæknir tennur þínar og bit. Í framhaldinu er meðferðarþörfin metin og hugsanleg meðferðarúrræði rædd. Við skoðum t.d. hvers konar meðferð gæti hentað þér, hversu langan meðferðartíma um ræðir og kostnað hugsanlegrar meðferðar. Þessi skoðun tekur um það bil 20 mínútur og er án allra skulbindinga.

Ef þú tekur ákvörðun um að hefja meðferð hjá Láru Björk er næsta skref að fá tíma í gagnatöku. Þar tökum við mát af tönnum, ljósmyndir af andliti og tönnum sem og röntgenmyndir af tannsetti og höfði. Þessi gögn notar Lára Björk til að gera ítarlega greiningu á tann- og eða bitskekkju sem og vel ígrundaða meðferðaráætlun sniðna að þínum þörfum.

Lára Björk leggur ríka áherslu á góð samskipti við skjólstæðinga sína og vill að þeir séu vel upplýstir áður en meðferð hefst. Þess vegna er næsta skref á eftir gagnatökunni hálftíma viðtal með Láru Björk þar sem farið er yfir meðferðaráætlun, kostnaðaráætlun sem og allir áhættuþættir tannréttingameðferðar ræddir.